有時會聽到中小企嘅朋友話喺融資時候遇到困難，準備所需要嘅文件需要好長時間，花費大量行政成本，再加上資料本身有時欠完善，就會令過程更加困難，可能白白損失一些業務拓展機會。就算有足夠數據，但係如果唔好彩遇到黑客攻擊，唔單止會影響日常運作，而家仲可能會影響融資嘅機會。
今集【Tech Talk 踢拖講科技】請到來自香港金融管理局及銀行界嘅專家，同大家分享有啲咩新措施同中小企有關，可以令大家有更好嘅營商環境。而第二節邀請到商業數據保護嘅專家，講解一下依家有咩漏洞風險及如何用一站式方法幫手解決。